Ju e dini se sa herë që hapni TikTok, gjëja e parë që shikoni është një video full screen vertikale. Me sa duket Instagram është frymëzuar nga kjo platformë dhe ka vendosur që të nisë testimin e një shërbimi që do ta bëjë eksperiencën në këtë aplikacion shumë të ngjashëm me TikTok. Ky shërbim është dizenjuar për të sjellë në vëmendje më tepër videot se fotot.
Kompania mëmë Meta tregoi gjatë javës së kaluar se përdoruesit shpenzojnë rreth 20% të kohës në platformë duke parë Reels, “klonin e TikTok”. Në Facebook, videot e të gjitha llojeve përbëjnë më tepër se 50% të kohës që përdoruesit shpenzojnë në platformë.
Në shërbimin testues që sjell videot full screen në home feed tuaj, ju do të keni sërisht akses në kategoritë Discovery Tab, Reels, Shopping dhe faqjen juaj. Dhe pse në imazhet testuese të shfaqura nuk tregohet se ku do të vendosen Stories, një zëdhënës i kompanisë ka treguar për TechCrunch se Stories do të mbeten në krye të feed-it tuaj.
Stories aktualisht janë më tepër fitimprurëse për Instagram se sa Reels, pasi ekziston infrastruktura më e mirë për t’i përdorur ato si mjet reklamimi. Kompania planifikon të shtojë dhe reklamimet në Reels, mirëpo zbatimi i këtij plani do të përhapet përgjatë disa viteve.
Për të shpjeguar se si ky ndryshim do të funksionojë, ndiqni videon e publikuar në Twitter nga Adam Mosseri, drejtues i Instagram.
We’re testing a new, immersive viewing experience in the main Home feed.
If you’re in the test, check it out and let me know what you think. ?? pic.twitter.com/dmM5RzpicQ
— Adam Mosseri (@mosseri) May 3, 2022
