Google Play ka publikuar përmbledhjen tradicionale vjetore me aplikacionet dhe lojërat më të mira të vitit 2025, duke nxjerrë në pah disa zgjedhje interesante që pasqyrojnë trendet e teknologjisë dhe preferencat e përdoruesve.
Fituesi për “Aplikacionin më të Mirë” është Focus Friend nga Hank Green. Megjithëse komuniteti teknologjik ka vite që flet vetëm për inteligjencën artificiale, Google zgjodhi një aplikacion që fokusohet te produktiviteti në një mënyrë të ngrohtë dhe në formë loje. Focus Friend përshkruhet si një “focus timer me elemente Tamagotchi”, ku përdoruesit ruajnë ritmin e punës ndërsa kujdesen për një personazh virtual që reagon ndaj sjelljes së tyre. E thjeshtë, jo domosdoshmërisht hi-tech, por shumë efektive.
Në kategorinë e lojërave, çmimi kryesor shkoi për Pokémon TCG Pocket, një port besnik i lojës së famshme të letrave. Aplikacioni sjell dizajne të reja të kartave, booster packs të integruara dhe një eksperiencë vizuale që e afron shumë me versionin fizik, duke e bërë atë një hit të vërtetë për fansat e markës.
Google dha gjithashtu çmime për aplikacionet dhe lojërat në shumë pajisje. Çmimin për aplikacionin më të mirë multi-device e mori Luminar, një mjet i fuqishëm për editimin e fotove që përdor AI për të konkurruar drejtpërdrejt me Google Photos dhe Photoshop. Për lojën multi-device u vlerësua Disney Speedstorm, një lojë garash në stilin Mario Kart, por me personazhet dhe botët e Disney-t, e krijuar për të tërhequr një publik të gjerë në mobile.
Më poshtë do të shfaqet lista e plotë e aplikacioneve të vlerësuara nga Google Play.
- Best for Fun: Edits, an Instagram app
- Best for Personal Growth: Focus Friend by Hank Green
- Best Everyday Essential: Wiser – 15 Minute Audio Books
- Best Hidden Gem: Pingo AI Language Learning
- Best for Families: ABCmouse 2: Kids Learning Game
- Best for Watches: SleepisolBio: sleep, alarm
- Best for Large Screens: Goodnotes: Notes, docs, PDF
- Best for Cars: SoundCloud: The Music You Love
- Best for XR Headsets: Calm – Sleep, Meditate, Relax
- Best Multiplayer: Dunk City Dynasty
- Best Pick Up & Play: Candy Crush Solitaire
- Best Indie: Chants of Sennaar
- Best Story: Disco Elysium
- Best Ongoing: Wuthering Waves
- Best on Play Pass: DREDGE
- Best for Google Play Games on PC: Odin: Valhalla Rising
