Krahas aplikacioneve të tij kryesore si Gmail apo Maps dhe aplikacionet ekskluzive për telefonat Pixel, Google gjithashtu i kushton përpjekje dhe burime të konsiderueshme eksperimentimit me ide të reja për shërbime që mund të përdoren në bizneset e tyre, njësoj si makinat vetë-drejtuese.
Megjithatë, viti 2023 ishte një vit i vështirë për Alphabet Inc., dhe kjo gjë mund të vihet re dhe me mbylljen e përpjekjeve për të krijuar një platformë të mediave sociale të stilit Pinterest të quajtur Keen.
Keen u themelua në vitin 2020 si një nga projektet e shumta eksperimentale të Google, i mbështetur nga inkubatori i ideve i kompanisë i quajtur Area 120. Duke funksionuar me URL-në StayKeen.com, platforma u ofron përdoruesve rekomandime të mbështetura nga Machine Learning dhe rezultatet e kërkimit në lidhje me Keens – tabela idesh virtuale ku mund të grumbulloni përmbajtje të tilla si links, imazhe, video dhe shënime me një temë të përbashkët, si p.sh. gatimi, kopshtaria, mirëmbajtja e shtëpisë, etj.
Përshkrimi i Google për Keen shpjegon se çdo board do të vendoste bazën për më shumë zbulime të ideve dhe koncepteve dhe machine-learning do të ndihmonte që rekomandimet të përmirësoheshin me kalimin e kohës, ndërsa i tregoni algoritmit çfarë ju pëlqen dhe çfarë nuk ju pëlqen. Megjithatë, kompania nuk ka lëshuar një përditësim të madh për Keen që nga dhjetori 2021.
Pas mbylljes së disa projekteve të tjera të Area 120 mes pushimeve nga puna në vitin 2023, Google ka njoftuar tani mbylljen e Keen. Google gjithashtu u dërgoi email përdoruesve ekzistues të Keen për të eksportuar të dhënat e tyre dhe për t’i shkarkuar ato si një skedar ZIP, siç do të përdornit Google Takeout.
