Nëse marrëveshja e Elon Musk për blerjen e Twitter do të përfundojë, ky do të jetë vetëm hapi i parë i përmbushur në planin afatgjatë drejt krijimit të “X“, një aplikacion për të gjitha funksionet. CEO i Tesla tregoi se përfundimi i blerjes do të përshpejtojë krijimin e X për disa muaj.
Vizioni i Musk është që X do të jetë “diçka shumë e rëndësishme për botën.” Dhe pse është ende e paqartë nëse Elon do të shndërrojë Twitter në X apo do të krijojë një platformë krejtësisht të re, ai ka treguar disa nga planet që do të ndryshojnë botën e rrjeteve sociale.
Një Super App i ri
X nuk do të jetë aplikacioni i parë që mundohet të bëjë çdo veprim të mundshëm. Duket se Elon Musk është frymëzuar nga WeChat, një aplikacion që përdoret gjerësisht në Kinë. WeChat përdoret për komunikim nëpërmjet mesazheve, telefonatave, videotelefonatave, për shpërndarjen e fotove, për luajtjen e lojrave, porositjen e ushqimeve, veprimeve bankare dhe për blerje online.
Mesazhe private rreth një plaftorme të bazuar në blockchain
Musk ka diskutuar gjithashtu privatësisht mundësinë e krijimit të një platforme të bazuar në blockchain. Miliarderi njihet për dashurinë që ka për kriptomonedhat si Bitcoin apo Dogecoin. Në muajin prill, ai tregoi idenë e tij për të krijuar një rrjet social “Doge” në mesazhet e zbuluara gjatë hetimeve të vëllait të tij. “Unë kam një ide për një rrjet social të ndërtuar në bazë të blockchain i cili bën pagesa dhe tekste të shkurtra/mesazhe njësoj si Twitter. Mjafton që publikuesit e tekstit të paguajnë një çmim shumë të vogël në blockchain, dhe kështu të gjithë bots do të zhduken.”
Një model abonimi
Idea e Musk për të krijuar një platformë të bazuar në blockchain do të bëjë të mundur ekzistencën e një platforme pa reklama, të cilat Musk i urren. Në një tweet tashmë të fshirë, Elon tregoi se Twitter duhet të ekzistojë pa reklama.
Theksimi i “fjalës së lirë”
Çfarëdo platforme që Musk të krijojë, besohet se do të ketë shumë herë më pak politika që pengojnë “fjalën e lirë“. Elon Musk ka thënë se Twitter do të jetë si sheshi i një qyteti dhe se ai është kundër çensurimit që nuk është në përshtatje me ligjin. Ai ka qenë kundër largimkt nga platforma për persona të ndryshëm, si Donald Trump. Musk ka treguar se do të lejojë Trump të rikthehet në Twitter nëse blerja përfundon.
Luftë kundër “bots”
Musk i quajti bots në Twitter “gjëja më e bezdissjme në platformë”, dhe tema e bots u përdor si pretekst për të paditur Twitter.
