Pronari i ri i Twitter, Elon Musk, tregoi të dielën se do të bënte një hap të ri për ta çuar rrjetin social në një drejtim të ri , duke zëvendësuar logon origjinale të zogut blu me një X.
Ndryshimi erdhi pasi Musk deklaroi se të ardhurat nga reklamat mbeten gati sa gjysma e përfitimieve të dikurshme. Për këtë arsye Twitter-it ka operuar në humbje gjatë kohëve të fundit, si dhe për shkak të ngarkesës së rëndë nga borxhi.
— Elon Musk (@elonmusk) July 23, 2023
Mirëpo Mike Proulx, drejtor i studimeve në Forrester, tha të dielën se ky ndryshim do të tjetërsonte më tej bazën e përdoruesve origjinalë dhe dikur tepër besnikë të Twitter. “Nga njëra anë, ju mund të argumentoni se ai do të largonte një markë ikonike. Nga ana tjetër, ai po sinjalizon se është një ditë e re për atë që dikur ishte Twitter dhe se kompania po shkon në një drejtim tjetër me një bazë të ndryshme përdoruesish.”
Miliarderi Musk tha në një postim të së dielës se donte të ndryshonte logon e Twitter dhe anketoi miliona ndjekësit e tij nëse ata do të favorizonin ndryshimin e skemës së ngjyrave të faqes nga blu në të zezë. Ai postoi një foto të një X të stilizuar në një sfond të zi.
And soon we shall bid adieu to the twitter brand and, gradually, all the birds
— Elon Musk (@elonmusk) July 23, 2023
“Dhe së shpejti ne do t’i japim lamtumirën logos origjinale të Twitter dhe, gradualisht, të gjithë zogjve,” tha ai.
Të dielën vonë pasdite, CEO-ja e re e Twitter, Linda Yaccarino, shkroi në Twitter: “Është një gjë jashtëzakonisht e rrallë – në jetë apo në biznes – që të kesh një shans të dytë për të lënë një tjetër përshtypje të madhe. Twitter la një përshtypje masive dhe ndryshoi mënyrën se si ne komunikojmë. Tani, X do të shkojë më tej, duke transformuar sheshin global të qytetit.”
It’s an exceptionally rare thing – in life or in business – that you get a second chance to make another big impression. Twitter made one massive impression and changed the way we communicate. Now, X will go further, transforming the global town square.
— Linda Yaccarino (@lindayacc) July 23, 2023
Kompania ka ndryshuar emrin e biznesit në X Corp pas blerjes së Musk në tetor, duke reflektuar vizionin e miliarderit për të krijuar një “super aplikacion” si WeChat në Kinë.
