Elon Musk dëshiron që X të jetë qendra e botës suaj financiare, duke trajtuar çdo gjë në jetën tuaj që ka të bëjë me paratë. Ai bëson se një shërbim i tillë do të lançohet deri në fund të 2024-ës, siç kuptohet nga një një diskutim i tij me punonjësit të enjten, duke thënë se njerëzit do të befasohen me faktin se “sa i fuqishëm do të jetë“.
“Kur them pagesa, në fakt nënkuptoj të gjithë jetën financiare të dikujt”, tha Musk. “Nuk do të jetë thjesht si t’i dërgoj $20 mikut tim. Unë po mendoj se ju nuk do të keni më nevojë për një llogari bankare.” CEO e X Linda Yaccarino tha se kompania parashikon se shërbimi do të vijë drejt përdoruesve në vitin 2024.
Kompania aktualisht po punon për marrjen e licencave për kryerjen e transaksioneve të parave në të gjithë SHBA-në, në mënyrë që të mund të ofrojë shërbime financiare. Musk u tha punonjësve të enjten se ai shpreson të marrë punonjës të tjerë që i nevojiten X në “muajt e ardhshëm“. Musk ka diskutuar më parë planet e tij për ta kthyer X në një qendër financiare.
Ai më parë tha se platforma do të ofronte llogari me rendiment të lartë, karta debiti, çeqe dhe shërbime kredie, me qëllimin për t’i lejuar përdoruesit “të dërgojnë para kudo në botë në çast dhe në kohë reale“. Plani origjinal për X.com është i qartë në mendjen e Musk.
“Rrugëtimi i produktit X/PayPal u projektua nga unë dhe David Sacks në fakt në korrik të vitit 2000”, tha Musk në bisedimin e brendshëm në X. “Dhe për disa arsye PayPal, sapo u bë pjesë e eBay, la pas një mori shërbimesh kryesore, gjë që është e çmendur. Pra, PayPal është në fakt një produkt më pak i kompletuar se ai që publikuam në korrik të vitit 2000, pra 23 vjet më parë.”
Shndërrimi i X në një qendër të pasur për shërbime financiare lidhet drejtpërdrejt me qëllimin e Musk për ta bërë platformën një “aplikacion për gjithçka“, i ngjashëm me super aplikacionet si WeChat në Kinë që ofrojnë akses në blerje, transport dhe më shumë.
