Ekskluzivitetit 1 vjeçar të Clubhouse në iOS i erdhi fundi, pasi platforma lançoi një version të aplikacionit në Android. Ai do të jetë i aksesueshëm në një version beta ditën e sotme në SHBA, duke lejuar përdoruesit të regjistrohen dhe të marrin pjesë në dhomat audio.
“Plani jonë për javët në vijim është grumbullimi i feedbacks nga komuniteti, rregullimi i problemeve të mundshme dhe shtimi i shërbimeve si pagesat dhe krijimi i clubs para se Clubhouse të publikohet për publikun e gjerë.” mësohet të ketë thënë kompania në një postim në blog.
Ata gjithashtu përmendën se rritja aq e shpejtë e tyre ishte e paparashikuar, dhe ngarkesa ka shkaktuar probleme si ndërprerje të serverit, të njoftimeve dhe tejkalimi i limiteve të discovery algorithms. Kompania u detyrua të zhvendoste fokusin nga krijimi i shërbimeve për aplikacionin drejt forcimit të kompanisë, punësimit dhe ndreqjes së problemeve të shumëta. Tani me lançimin e versionit për Android, Clubhouse po lejon përdoruesit me një ftesë të përfshihen në eksperiencën e veçantë që ai ofron.
Gjatë kësaj kohe gjigandët e teknologjisë si Facebook, Twitter dhe LinkedIn kanë përfituar nga mungesa e Clubhouse dhe kanë filluar testimin e shërbimeve audio-only të ngjashëm me të.
