ByteDance, kompania mëmë e TikTok, ka vendosur të krijojë një kompani të re për botimin e librave, të quajtur 8th Note Press. Me sa duket drejtuesit e kësaj kompanie nuk kanë dashur të harxhojnë kohë aspak, dhe kanë nisur menjëherë t’i bëjnë oferta shkrimtarëve të ndryshëm për të blerë të drejtat distributor të librave të tyre.
Apeli kryesor që po i bëhet autorëve është më tepër rreth shërbimeve të reklamimit që ByteDance ofron në vend të avancimeve të reja teknologjike.
Një autore e librave romancë, Tricia O’Malley, tregoi se ByteDance i ofroi $7,000 për dy librat e saj (një shifër më e ulët se sa fitimet që autorja bën çdo muaj nga shitja e tyre) për të fituar të drejtën e publikimit.
TikTok është një platformë nëpërmjet së cilës është lehtësuar shumë shitja e librave, dhe në platformë gjendet një komunitet mjaft i njohur BookTok, ku lexues të ndryshëm shpërndajnë libra me njëri tjetrin, kryesisht të zhanrave romancë dhe fantazi.
Shumë autorë janë bërë të famshëm për veprat e tyre në këtë komunitet, dhe kjo është arma e fortë që ByteDance zotëron dhe po përpiqet që përmes saj të bindë autorët e rinj.
