Spotify ka ndaluar luajtjen e këngëve sipas një rradhitje të ndryshme të albumeve pas një kërkese nga këngëtarja e mirënjohur Adele. Më parë, kur ju shikonit një album në Spotify, në krahun e djathtë ju shikonit një ikonë “shuffle” brenda butonit të madh “Play”.
Kjo gjë tregonte se Spotify do të fillonte të luante këngët e këtij albumi në një rrjeshtim të çfarëdoshëm, gjë që shpesh herë nuk korrespondonte me dëshirën e përdoruesve. Tashmë, kur ju shtypni butonin “Play” në Album View, këngët do të luhen në rendin e paraqitur, për sa kohë ju keni një abonim Premium në Spotify.
Nëse ju dëshironi ta riaktivizoni këtë shërbim, mjafton të klikoni në butonin “Shuffle”.
This was the only request I had in our ever changing industry! We don’t create albums with so much care and thought into our track listing for no reason. Our art tells a story and our stories should be listened to as we intended. Thank you Spotify for listening ?♥️ https://t.co/XWlykhqxAy
— Adele (@Adele) November 21, 2021
BBC raporton se kjo përgjigjje e Spotify vjen pas kërkesës specifike të Adele, e cila i bëri thirrje drejtuesve të aplikacionit ta bënin këtë ndryshim. Më vonë ajo ka publikuar një tweet ku falenderonte Spotify për ndryshimin e bërë, duke shkruajtur se “Arti ynë tregon një histori dhe historia duhet të dëgjohet në rradhitjen e duhur. Faleminderit Spotify që dëgjon feedback-un tonë.”
Spotify u përgjigj në këtë postim të Adele duke thënë: “Gjithçka për ju.” gjë që sugjeron se kjo gjë mund të ishte një favor ndaj këngëtares. Nuk është një koinçidencë që ndryshimi vjen vetëm disa ditë passi Adele publikoi albumin e saj të ri 30, i cili është shumë i dëgjuar në mbarë botën.
