Jack Dorsey, bashkëthemeluesi i Twitter, ka prezantuar një aplikacion të ri për komunikim të decentralizuara me emrin Bitchat, i cili funksionon plotësisht pa nevojën e internetit. Aplikacioni përdor rrjete Bluetooth mesh dhe punon në mënyrë “peer-to-peer”, pa serverë qendrorë.
Bitchat mundëson dërgimin e mesazheve të enkriptuara midis pajisjeve afër njëra-tjetrës përmes Bluetooth. Çdo pajisje vepron si një nyje që zgjeron rrjetin. Nuk ka nevojë për Wi-Fi apo rrjet celular, duke e bërë të përshtatshëm për komunikim në vende ku interneti është i kufizuar ose i bllokuar. Mesazhet ruhen vetëm në pajisjen e përdoruesit dhe zhduken automatikisht, pa kaluar në infrastrukturë të centralizuar.
Ky model komunikimi, i njohur si “store and forward”, lejon dërgimin e mesazheve midis pajisjeve edhe kur ato nuk janë të gjitha të lidhura njëkohësisht. Aplikacione të ngjashme u përdorën në protestat e Hong Kongut në vitin 2019 për të mbajtur komunikimin aktiv pavarësisht kufizimeve shtetërore.
Përdoruesit mund të krijojnë biseda në grup me hashtags dhe të mbrojtura me fjalëkalim. Bitchat gjithashtu mund të ridërgojë mesazhe për përdoruesit që ishin offline në momentin e dërgimit. Në të ardhmen, aplikacioni do të përfshijë edhe Wi-Fi Direct, për të rritur shpejtësinë dhe madhësinë e rrjetit.
Dorsey e përshkruan Bitchat si një platformë eksperimentale që eksploron enkriptimin, arkitekturën e decentralizuar dhe modele të reja komunikimi. Projekti përputhet me mbështetjen e tij për platformat me burim të hapur, si Bluesky, që theksojnë kontrollin e përdoruesit mbi të dhënat.
Aktualisht, Bitchat është në version beta nëpërmjet TestFlight.
