Adobe po lançon mjete të reja AI që mund të automatizojnë detyrat intensive të prodhimit, si editimi i grupeve të mëdha të imazheve dhe përkthimi i videove. Aplikacioni më i dalluar është “Firefly Bulk Create“, që lejon përdoruesit të krijojë shpejt versione të ndyshme të edituara (deri në 10,000 imazhe) ose të zëvendësojnë të gjitha sfondet e tyre me një klikim të vetëm, në vend që të modifikojnë në mënyrë të lodhshme çdo foto individualisht.
Mjeti u krijua duke kombinuar disa nga API-të e fuqizuara nga Firefly të Adobe për zhvilluesit, me synimin për t’i bërë ato më të aksesueshme për krijuesit që nuk kanë përvojë teknike të kodimit. Bulk Create do të lançohet në beta dhe do të ndahet në dy mjete të veçanta në aplikacionin ueb të Adobe Firefly: “Remove Background” dhe “Resize“. E para është mjaft vetë-shpjeguese – përdoruesit mund të ngarkojnë skedarë imazhesh në mjet nga kompjuteri i tyre, Dropbox ose Adobe Experience Manager për të eleminuar sfondin pa shumë lodhje.
Krahas heqjes së sfondit, përdoruesit mund të vendosin gjithashtu mjetin për të zëvendësuar sfondet me një imazh ose ngjyrë specifike (të përcaktuar nga kodet HEX) për të marrë variacione të çdo imazhi që janë gati për modifikim të mëtejshëm. Grupet e skedarëve mund të ruhen si PNG ose JPEG për momentin, me Adobe që thotë se mbështetja për skedarët Photoshop PSD do të shtohet në të ardhmen.
Shërbimi “Resize” paraqet një përzgjedhje opsionesh të paracaktuara për banerët e reklamave në platforma të njohura si TikTok, Instagram dhe Facebook. Ai përdor AI gjeneruese për të përgatitur reklamat sipas dimensioneve të kërkuara. Ai mund të menaxhojë mjaft mirë sfonde të thjeshta për t’i kursyer dizenjuesve grafikë kohë për përshtatjen e përmbajtjeve për secilën platformë. Ndërsa shërbimet si Canva dhe Adobe Express kanë gjithashtu mjete që e bëjnë këtë më të lehtë, Buk Create mund ta bëjë këtë me një klik të vetëm.
Adobe po bën disa API të reja për Shërbimet Firefly përgjithësisht të disponueshme në javët në vijim, të cilat zhvilluesit mund t’i përdorin për të shpejtuar flukset e punës të prodhimit të videos dhe printimit.
“Dubbing and Lip Sync” mund të përkthejë dhe modifikojë lëvizjen e buzëve në 14 gjuhë të ndryshme dhe një mjet i ri InDesign mund të formatojë automatikisht tekstin dhe imazhet për mediat e printuara dhe dixhitale duke përdorur templates të paracaktuara. “Digital Avatars” të krijuar duke përdorur përshkrime teksti dhe regjistrime zanore do të jenë gjithashtu të disponueshme në beta këtë muaj, të cilat mund të përdoren për të paraqitur video dhe shpjegues të produkteve.
Fuqia e nevojshme për të redaktuar grupe prej 10,000 imazhesh është me sa duket e shtrenjtë. Adobe thotë se do të ketë një tarifë për përdorimin e këtyre mjeteve të reja bazuar në “konsum”.
