Një studim i ri i kryer nga New York University dhe Universite Grenoble Alpes në Francë tregoi se keqinformimet në Facebook tërhoqën 6 herë më shumë klikime se lajmet reale në platformë.
Në këtë studim morën pjesë më tepër se 2,500 publikues lajmesh nga gushti i 2020 në janar të 2021. Studiuesit vunë re se faqet që postonin më tepër keqinformim morën rregullisht më tepër likes, shares dhe komente.
Studiuesit do të shpalosin studimin e tyre si pjesë e 2021 Internet Measurement Conference në nëntor. Mirëpo një zëdhënës i Facebook vuri në dukje se studimi meret vetëm me personat që kanë ndërvepruar me postin, dhe jo me shifrat e “reach”, e cila tregon shifrën e personave që e shikojnë përmbajtjen e publikuar edhe nëse nuk ndërveprojnë me të.
Megjithatë, Facebook nuk i ka ofruar këtë informacion studiuesve. Personat që kërkojnë më tepër informacione rreth këtyre shifrave zakonisht përdorin një mjet të quajtur CrowdTangle, i cili është nën pronësinë e Facebook, por në rastin e këtij grupi studiuesish platforma e bllokoi aksesimin e këtyre të dhënave.
“Nëse ne i ofrojmë studiuesve të palës së tretë këto informacione mund të shkelim marrëveshjen me Federal Trade Commission.” tha zëdhënësi i Facebook, dhe pse FTC pretendon se këto deklarata nuk janë të sakta.
