5 vite pas rigjenerimit të “qelizave me qime” në veshët e minjve, të cilat janë shumë të nevojshme për dëgjimin, studiuesit në University of Rochester kanë zbuluar mënyrën se si ky proçes funksionon dhe shpresojnë që në të ardhmen të arrijnë të rikthejnë dëgjimin tek personat që vuajnë nga humbja e dëgjimit.
Njerëzit lindin me 16,000 qeliza me qime në secilin prej veshëve. Këto qeliza ndihmojnë në konvertimin e vibrimeve të tingujve në sinjale elektrike që kuptohen nga truri ynë. Megjithatë me kalimin e viteve këto qeliza mund të dëmtohen nga sëmundje të ndryshme apo ekspozimi ndaj zhurmave të mëdha. Njerëzit nuk kanë aftësinë që të riprodhojnë këto qeliza kur numri i tyre ulet ndjeshëm, gjë që çon në humbjen e dëgjimit.
Në vitin 2018, studiuesit demonstruan se aktivizimi i gjenit specifik në receptorët EGF – ERBB2 – në minjtë e porsalindur bëri që qelizat mbështetëse kokleare të brejtësve të shumëfishoheshin dhe të shndërroheshin në qeliza të reja me qime.
“Ne mund të aktivizojmë një proçes të tillë, dhe fatmirësisht vumë re se ka një riprodhim të madh.” tha studiuesi drejtues Jing Yuan.
“Kur ne e provuam këtë proçes në minjtë e rritur vumë re se arritëm të njejtin rezultat – numri i qelizave me qime u përmirësuar ndjeshëm.” tregoi Dorota Piekna-Przybylyska.
Tashmë që është kuptuar më mirë se si rigjenerimi i qelizave me qime funksionon në disa prej gjitarëve, studiuesit shpresojnë të përdorin me sukses këto teknika tek njerëzit.
