Xiaomi ka prezantuar zyrtarisht syzet e saj të para inteligjente të fuqizuara nga inteligjenca artificiale, duke hyrë në një treg të mbushur por në zgjerim të shpejtë. Syzet, të cilat u prezantuan në eventin “Human x Car x Home”, janë reklamuar si “gjenerata e ardhshme e pajisjeve personale inteligjente”.
Me çmim fillestar prej rreth $278, ato përfshijnë një kamerë ultra të gjerë 12 megapiksel dhe çipin AR1 të Qualcomm. Bateria zgjat 8.6 orë, dy herë më shumë se Meta Ray-Ban dhe rikarikohet plotësisht për 45 minuta.
Syzet janë të pajisura me asistentin XiaoAI dhe mund të përdoren për komanda zanore, si kapje fotosh, video, përkthim teksti, njohje objektesh dhe skanim QR për pagesa. Meta dominon aktualisht tregun global të syzeve AI me mbi 60% të pjesës së tregut. Furnitorët kryesorë për kamerën e syzeve përfshijnë Sunny Optical (furnizues i Apple) dhe Sony.
Krahas syzeve, Xiaomi prezantoi edhe produkte të tjera: Mix Flip 2 (smartphone i palosshëm), Pad 7S Pro me çip 3nm XRING O1, gjeneratën e 10 të byzylykut smart, Watch S4, si dhe pajisje shtëpiake si tharëse flokësh, robot pastrues, pastrues dyshemesh dhe kondicioner. Xiaomi më parë ka investuar në kompani si Superhexa, që prezantii syze të fuqizuara nga AI vitin e kaluar.
Konkurrentët kryesorë përfshijnë Huawei, i cili prezantoi në prill një model me komanda zanore por pa kamerë, dhe Baidu me syzet Xiaodu që pritet të dalin këtë vit. Sipas Counterpoint, tregu i syzeve inteligjente pritet të rritet me 60% në vitin 2025, pas një rritjeje prej 210% në vitin 2024.
