Nëse ju keni një Apple Watch ose një iPhone 14, xhiro juaj e rradhës në një tren argëtimi do të bëjë që pajisja të telefonojë menjëherë shërbimet e emergjencës, pasi këto pajisje mendojnë se ju keni qenë në një aksident.
Gjatë eventit “Far Out” Aple prezantoi një shërbim të ri të quajtur “Crash Detection” i cili regjistron lëvizjet e shpejta të iPhone-it apo Apple Watch (si përshembull kur jeni në një tren argëtimi) si një përplasje. Dhe kjo gjë rezulton në informimin e shërbimeve të emergjencës në rast se ju nuk klikoni mbi Cancel pas një kohe të caktuar.
Shërbimi Crash Detection është dizenjuar për të ndihmuar njerëzit e përfshirë në një aksident të rëndë, si përshembull goditjet përballë, të pasme apo anësore në makinë. Ky shërbim është i pranishëm në të gjithë smartphone-t e serisë iPhone 14, Apple Watch Series 8, SE (e gjeneratës së 2-të) dhe Watch Ultra.
Tashmë në të gjitha parqet e argëtimit është e vendosur një tabelë e cila lajmëron klientët se nuk duhet të mbajnë smartphone-in ndezur me vete ndërkohë që bëjnë një xhiro, pasi si pasojë pajisja do të lajmërojë autoritetet automatikisht.
Për të çaktivizuar momentalisht këtë shërbim, përdoruesit duhet të aktivizojnë airplane mode në pajisjet e tyre, për të penguar kryerjen e telefonatave.
