WMF International Roadshow Albania është një mundësi e artë për startupet në Shqipëri të tregojnë inovacionet dhe idetë e tyre në një skenë globale.
Evenimenti do të mbahet më 15 Mars 2023 në Maritim Hotel Plaza në Tiranë në bashkëpunim me Albania Economia, Moneys Magazine, Camera di Commercio Italiana in Albania – CCIA dhe Ministrin e Shtetit për Mbrojtjen e Sipërmarrjes në Shqipëri, znj. Edona Bilali.
International Roadshow Albania është një tur “evenimentesh satelit” krijuar përmes bashkëpunimeve të drejtpërdrejta me disa vende në mbarë botën dhe synimin për të fuqizuar bashkëpunimin global dhe ndarjen e ideve në sektorët e socialë, dixhitalë dhe sipërmarrës. Projekti mbulon 5 kontinente dhe 29 vende të botës duke kontribuar në ndërtimin e një të ardhmeje më të mirë duke përqafuar të gjitha mjetet dixhitale dhe konsideruar inovacionin, aksesin dhe barazinë si vlera kyçe në botën moderne.
Gjatë evenimentit në Shqipëri, 15 startupe do të përzgjidhen për të sjellë idetë e tyre në skenë dhe do të gjykohen nga një juri investitorësh ndërkombëtarë dhe anëtarë të WMF.
Tre startupet më të mira do të marrin pjesë në WMF 2023 në Rimini në Italisë dhe do të shpërblehen me çmime të ndryshme përfshirë një hapësirë në Startup District, akses në B2B dhe aktivitete rrjetëzimi si dhe një mundësi për të marrë pjesë në Startup Stage në Rimini.
Për më tepër, të gjitha startupet e përzgjedhura nga Startup Competition gjatë evenimentit Shqiptar do të kenë akses në takime B2B me investitorë të huaj, një hapësirë lokale ekspozimi dedikuar startupeve, dhe rrjetin global të WMF me mundësinë për tu përfshirë në iniciativa të ngjashme gjatë vitit.
Evenimenti premton të jetë një mundësi fantastike për startupet në Shqipëri të tregojnë inovacionet dhe idetë e tyre në një skenë globale.
Juria e cila do të marrë pjesë në evenimentin e 15 Marsit në Hotel Plaza përbëhet nga: Gianluca Berghella, CEO i Armundia Group, AnaMaria Meshkurti, Shefe e Marketingut, Komunikimit dhe Angazhimit në Fongit (Fondation Genevoise pour l’Innovation Technologique), platforma dhe inkubatori kryesor Zviceran i startupeve të teknologjisë; Shqipe Berisha, Drejtore e Përgjithshme e TUMO Tirana Center për Teknologjitë Kreative; Genti Selenica, CEO i Baboon; Antonio Nidoli, Presidenti i CCIA dhe CEO i Edilcentro; Luca Busi, President i Coca-Cola Bottling Shqipëri dhe Uji Ftohtë Tepelenë; Mario Tonucci, Themelues i Tonucci&Partners; Antonio Baccari, Feel Venture VC London; Giancarlo Vergine, CEO i OverVentures.
Mos e humbisni shansin të prezantoni startupin tuaj në WMF International Roadshow Albania më 15 Mars 2023 në Maritim Hotel Plaza.
Regjistroni startupin tuaj: https://albania.wemakefuture.it/startup-competition/
Thirrja për startupet mbyllet më 27 Shkurt.
Pjesëmarrja në WMF International Roadshow Albania është e hapur për këdo. Nisur nga pjesëmarrja e kufizuar, ju ftojmë të regjistroni në këtë lidhje: https://albania.wemakefuture.it/register/
