VivaTech është një ndër eventet më të njohura në Evropë për sa i përket startup-eve dhe teknologjisë, dhe për fatin tonë të mirë ai do të organizohet në datat 15-18 qershor përmes një eventi fizik në Paris, por do të mund të ndiqet dhe online.
Në edicionin e tij të 6-të pritet të marrin pjesë më tepër se 1,500 ekspozues. Për sa i përket kompanive pjesëmarrëse, shumica prej tyre do të jenë pjesëmarrës “të vjetër” të këtij eventi, por nuk do të mungojnë dhe kompanitë që do të shfaqin teknologjitë e tyre për herë të parë gjatë VivaTech. Ndër këto kompani mund të përmendim Microsoft, Meta, Google, LVMH, Audi, Renault, Binance e shumë kompani të tjera.
6 do të jenë temat kryesore që do të trajtohen gjatë VivaTech 2022:
Gara për reduktimin e emëtimeve të gazeve deri në 0
VivaTech do të fokusohet në inovacionet e reja që lidhen me luftën kundër ngrohjes globale dhe tranzicionit të energjisë, siç është BioPod. Disa startups që do të prezantojnë teknologjinë e tyre në këtë drejtim do të jenë Urbanomy, Carbo, Acteon Farm, Climeworks dhe Bioo.
Avancimi i lëvizshmërisë
Mjetet e transportimit të së ardhmes janë një temë kryesore në VivaTech 2022. Disa nga inovacionet që do të prezantohen do të jenë automjetet e fryra me ajër nga Poimo, rrotat e biçikletave që kapin ajrin e ndotur të qytetit nga Go Rolloe. Nga ana tjetër Audi do të prezantojë “Audi Skysphere concept” për herë të parë në Evropë.
E ardhmja e punës
Dy vitet e pandemisë kanë patur një impakt madhor në botën e punës. Kompanive iu është nevojitur të përshtaten me ndryshimet e detyruara nga pandemia, duke krijuar një kulturë të re punimi.
Përfshirja është një mentalitet
Dy nga prioritetet kryesore të VivaTech gjatë këtij viti janë rinia dhe femrat. Për këtë arsye do të lançohet Girls in Tech program, për të sjellë më tepër se 3,000 vajza në gjimnaz që të zbulojnë më tepër rreth botës dixhitale.
Web3
Gjatë këtij viti, përveç teknologjive të tjera ku VivaTech do të fokusohet, do të ketë një hapësirë të veçantë në deshifrimin e Web3.
Dekada dixhitale e Evropës nis këtu
Për të mbështetur përshpejtimin në ekosistemin e startup-eve, VivaTech lançon edicionin e 4-t të Next Unicorn Awards. Ky çmim ka si qëllim promovimin e ekosistemit evropian të teknologjisë.
Article by: Brenton Benja
