Një raportim i ri tregon se ushtria e Izraelit po përdor një teknologji të re e cila i lejon ato të zbulojnë objekte dhe njerëz që fshihen pas mureve, duke përdorur një algoritëm llogaritës të bazuar në AI.
Xaver 1000, i prodhuar nga Camero-Tech, u prezantua për herë të parë gjatë Eurosatury 2022 në Paris, Francë. Ky produkt është pjesë e familjes së produkteve “See Through Walls”, të cilat sipas kompanisë ofrojnë informacion në kohë reale mbi objektet dhe njerëzit që gjenden pas mureve.
Camero-Tech pretendon se Xaver-1000 është një sistem thelbësor për ushtritë, forcat e zbatimit të ligjit, njësitë e inteligjencës dhe ekipet e kërkimit dhe shpëtimit.
Kompania tregoi se kjo pajisje e re është tepër e rëndësishme në operacionet taktike, pasi mund të zbulojë prezencën e jetës në dhoma të ndryshme, numrin e personave dhe distancën e tyre nga sistemi dhe të masë lartësinë.
Pra në këtë mënyrë teknologjia do të bëjë të mundur shfaqjen e objekteve apo personave me një rezolucion aq të lartë sa që mund të zbulojë nëse një person është duke ndenjur ulur, shtrirë apo është në këmbë, dhe nëse nuk kanë kryer asnjë lëvizje për një kohë të konsiderueshme.
Për të përdorur këtë pajisje nevojitet një trajnim minimal, pasi përdoruesit do të ndërveprojnë me ekranin 10.1 inç të përfshirë në trupin e pajisjes.
