Tesla ka publikuar një video të re të robotit të saj humanoid Optimus duke bërë një arritje të re: ecën në ambientet e jashtme dhe të vështira në mënyrë tërësisht autonome.
Fansat po i gëzohen ecurisë, por video na kujton diçka tjetër. CEO i Tesla, Elon Musk u ka thënë aksionerëve se Optimus është një mundësi shumë trilionë dollarëshe për kompaninë. Musk beson se Tesla do të prodhojë përfundimisht dhjetëra miliona robotë Optimus në vit.
Tesla tashmë po përdor disa robotë brenda fabrikës së saj dhe Musk sugjeroi që Tesla mund të fillojë t’ua shesë robotin klientëve të jashtëm që nga viti i ardhshëm. Ai ka përllogaritur një çmim midis $25,000 dhe $30,000 për robot.
Megjithatë, disa njerëz kanë pasur dyshime, veçanërisht pasi Tesla nuk ishte super transparente në lidhje me faktin se robotët e saj u operuan nga distanca në eventin e fundit “We, Robot“. Tesla ka lëshuar përditësime të shpeshta në lidhje me përparimin e bërë në zhvillimin e robotit të saj humanoid.
Kohët e fundit kemi raportuar për një dorë të re mbresëlënëse për Optimus. Tani, Tesla ka publikuar një video të Optimus duke ecur në ambientet e jashtme, madje dhe në terrene të pjerrëta shumë të vështira.
Milan Kovac, kreu i Optmius në Tesla, komentoi në video: “Këto rrugë janë në të mbuluar nga balta dhe gjethet, ku unë vetë kam rrëshqitur më parë. Ajo që është vërtet e çmendur këtu është se Optimus nuk mund ta shikojë këtë gjë! Ai arrin të ruajë ekuilibrin vetëm përmes sensorëve të tjerë në bord dhe nga një rrjet nervor që funksionon në ~ 2-3 ms në kompjuterin e tij të integruar.”
Videoja është jashtëzakonisht e ngjashme me një video të Boston Dynamics të postuar më shumë se 8 vjet më parë:
