Asgjë nuk është e permanente në këtë botë, sidomos teknologjia. Gatë vitit të fundit ne pamë disa inovacione të mrekullueshme që na mbajnë të lidhur me botën e jashtme, por humbëm gjithashtu disa produkte dhe shërbime nga e shkuara. Më poshtë do të përmendim disa prej produkteve që humbëm gjatë 2021.
LG largohet nga tregu i smartphone-ve
LG njihej për tentativën që kishte për të sjellë produkte me forma nga më të ndryshmet në treg. E gjitha kjo lidhet me strategjinë e çuditshme që kompania ndoqi për shumë vite në këtë sektor. Një ndër produktet e fundit të kompanisë ishte dhe LG Wing, me një dizajn që kurrë nuk mori vlerësimin që meritonte. Është për të ardhur keq pasi në vitin 2013 LG ishte prodhuesi i 3-të më i madh i smartphone-ve në botë.
Apple HomePod
Dhe pse kjo gjë nuk ishte një surprizë për personat e apasionuar pas teknologjisë, HomePod nuk mund të kondiderohet si një dështim. Problemi me HomePod nuk ishte vetëm çmimi i lartë, por dhe pozicionimi i saj. HomePod është një speaker me kualitet të lartë, por nuk është aq i zgjuar sa rivalët e saj Alexa dhe Google Assistant.
iMac Pro
Një tjetër produkt i ndërprerë nga Apple është dhe iMac Pro. Për herë të parë ai u lançua në 2017 dhe funksioni i tij ishte sjellja e performancës së jashtëzakonshme në dizajnin elegant iMac. Ky iMac ishte një produkt eksperimental i ndërtuar posaçërisht për klientët profesionistë, por më vonë ai u zëvëndësua nga Mac Pro.
Loon
Më herët gjatë këtij viti, kompania mëmë e Google, Alphabet, ndaloi projektin e saj Loon, e cila ishte një tentativë për të sjellë valë telefonike në zona nga më të ndryshmet në të gjithë botën. Ky projekt futurist nga Google që nisi një dekadë më parë duhet të ndërpritej për shkak të kostove të mëdha.
Houseparty
Houseparty është zyrtarisht “i vdekur”. Rrjeti social pa një rritje gjigande gjatë pandemisë u ndërpre gjatë muajit tetor. Fillimisht Houseparty u lançua në 2016 dhe u ble më pas në 2019 nga Epic Games. Në një postim në blog Houseparty tha se do të përfshihet në Epic Games për të “krijuar mënyra të reja të ndërlidhjes sociale në metaverse”.
