Të gjithë përdoruesit që shikojnë përmbajtje të piratuara si përshembull filma, seriale, apo video lojra online janë në rrezik. HP Wolf Security ka zbuluar një fushatë të re me malware të quajtur ChromeLoader, e cila infekton përdoruesit që kanë instaluar extensions të dëmshme në Chrome.
Versioni më i ri, i njohur si ChromeLoader Shampoo, dërgon të gjithë historinë e kërkimit të një përdoruesi në një website keqdashës. Si rezultat, këto kriminelë arrijnë të grumbullojnë përfitime të mëdha duke u përfshirë në fushata reklamimi të cilat shfaqen si pop-ups në ekran.
Ekspertët e HP Wolf Security tregojnë se për të shpëtuar nga ChromeLoader Shampoo, nuk mjafton vetëm çinstalimi i extensions, por duhet të ndiqni hapat e mëposhtëm.
- Ju duhet të çaktivizoni të gjitha tasks që kanë një prefix “chrome_”. Zakonisht tasks që janë legjitime nga Chrome nisin me prefiksin “Google” nëse ju jeni infektuar nga ky malware
- Më pas duhet të fshini registry key që ndodhet në “HKCU:\Software\Miragr Utilities”
- Tashmë bëjini një restart kompjuterit
- Gjithashtu kërkoni për dokumente mashtruese OneNote
- Praktika më e sigurtë është të mbroni veten nga këto rreziqe duke mos shkarkuar përmbajtje nga websites jo të besueshme.
