Fiks në momentin kur ne mendojmë se situata midis Apple dhe Meta nuk mund të jetë më e keqe, kompanitë na surprizojnë.
Ditën e hënë, Apple rifreskoi pa shumë zhurmë rregullat e Apple Store të cilat kërkojnë që zhvilluesit e iOS të zhvillojnë blerjet in-app – duke i dhënë Apple 30% të fitimeve të tyre – në “shitjet për reklamimin e postimeve në rrjetet sociale”. Kjo gjë prek në mënyrë të drejtpërdrejtë Facebook dhe Instagram, të cilat kërkojnë që njerëzit të paguajnë për të reklamuar postimet e tyre. Kjo është hera e parë që Apple ka taksuar në mënyrë të drejtpërdrejtë reklamimin në aplikacionet e iOS.
Meta, sigurisht, nuk është e kënaqur nga ky ndryshim. Zëdhënësi i kompanisë, Tom Channick bëri këtë deklaratë: “Apple vazhdon të përpunojë politika për të rritur biznesin e saj ndërkohë që godet kompanitë e tjera në ekonominë dixhitale. Apple më parë tregonte su nuk merrte asnjë përqindje të fitimeve nga reklamat nga zhvilluesi, mirëpo tashmë ka ndërruar mendje. Ne mbetemi të përkushtuar t’i ofrojmë bizneseve të vogla mënyra të thjeshta për të reklamuar dhe për të rritur biznesin e tyre në aplikacionet tona.”
Pagesa për të bërë “boost” një postim është tepër e pranishme në të gjitha rrjetet sociale. Diferenca midis Facebook dhe Instagram dhe aplikacioneve të tjera si Twitter dhe TikTok është se aplikacionet e Meta nuk përdorin sistemin in-app purchase.
Me pak fjalë, tashmë përdoruesit do të jenë ato që do ta pësojnë pasi do të paguajnë më tepër për të njejtin shërbim.
