Një ekip studiuesish nga Google Research ka prezantuar një mënyrë të re për të gjeneruar video nga kërkesat e shkruajtura në tekst, të cilat duken shumë më realiste se shumica e gjeneruesve të tjerë të videove të AI.
Ekipi shpreson se kjo teknologji do të përdoret në industritë krijuese, por për fat të keq kjo teknologji mund të keqpërdoret nga aktorë të këqij për të krijuar falsifikime shumë realiste ose përmbajtje të tjera të dëmshme, si përshembull në rastin e Taylor Swift.
I quajtur Lumiere, AI i ri përdor një teknikë për të krijuar një video me 80 frames duke gjeneruar 16 frames për sekondë – pra ju mund të gjeneroni një video 5 sekonda të gjatë. Kjo metodë ndryshon nga gjeneruesit standardë të videove AI, të cilët krijojnë disa frames dhe më pas gjenerojnë të dhënat që mungojnë në mes. Duke përdorur teknologjinë, studiuesit krijuan disa video, duke përfshirë dhe një video të një maceje me pamje realiste, por padyshim të rreme që luan një piano.
Mund ta shihni vetë në videon e realizuar nga ekipi:
Studiuesit thonë se AI mund të ndihmojë shumë në industrinë e sotme të krijuesve. “Megjithatë, ekziston rreziku i keqpërdorimit për krijimin e përmbajtjeve të rreme ose të dëmshme me teknologjinë tonë, dhe ne besojmë se është thelbësore të zhvillohen dhe të aplikohen mjete për zbulimin e rasteve të përdorimit keqdashës në mënyrë që të sigurohet një përdorim i sigurt dhe i drejtë.”
Ka gjithashtu disa kufizime: AI nuk mund të gjenerojë video me tranzicion midis skenave, dhe studiuesit thonë se kjo është një sfidë për t’u kapërcyer në të ardhmen.
