Kompanitë që po kërkojnë të zëvëndësojnë stafin e tyre me robotë në hotele dhe restorante duhet që të porosisin robotë me një fytyrë femre, sipas studimit të ri.
Në këtë studim morën pjesë 170 vullnetarë të cilët u pyetën nga Washington State University mbi mendimet e tyre lidhur me një skenar ku përfshihet një robot si një përshëndetës në hotelin që ato do të darkojnë.
Ekipi zbuloi se njerëzit janë më të qetë kur flasin drejt një roboti “femër”, sidomos nëse roboti ka një pamje të mirëstrukturuar. Studiuesit thanë se në të ardhmen do të jetë shumë e rëndëisshme për robotët që të kenë një nivel personaliteti, sidomos nëse punojnë në pozicione ku do të kontaktojnë normalisht me persona të ndryshëm.
Soobin Seo, studiues në Washington State University tha se njerëzit kanë tendencën për t’u ndjerë më të qetë nëse ato po diskutojnë me femra për shkak të stereotipit gjinor në vendet e punës së shërbimit. “Ky stereotip gjinor me sa duket transferohet dhe tek ndërveprimet me robotët, dhe është më tepër i pëlqyeshëm kur robotët shfaqen me karakteristika shumë humane.” tha Seo.
Pandemia e koronavirusit ka shënuar një rritje të interesit të kompanive të ndryshme në “punësimin” e robotëve në role të ndryshme si përshëndetës apo kamarierë për të mbushur vendet boshe. Megjithatë, edhe para pandemisë industria e hotelerisë ka patur probleme me qarkullimin e punonjësve, gjë që çon në lënien e vendeve bosh në staf.
