Pas nisjes së suksesshme të një tjetër grupi satelitësh Starlink në orbitë të hënën në mbrëmjë, SpaceX duket të ketë gabuar në uljen e booster-it të Falcon 9 për herë të parë pas një viti. Gjatë transmetimit live të misionit, një dritë mund të shikohet shumë pranë droneship në momentin që booster-i duhej të ulej, dhe pse asnjë raketë nuk duket në video.
SpaceX akoma nuk ka konfirmuar fatin e Falcon 9, por me shumë mundësi ai është përplasur në oqean. Falcon 9 pati një jetë të denjë, pasi kompletoi 6 nisje të suksesshme, por vetëm 5 ulje gjatë karrierës së tij.Në 17 shkurt 2020 ndodhi ekzaktësisht e njeta gjë gjatë misionit Starlink. Çdo tentativë ulje gjatë vitit ka qenë e suksesshme.
SpaceX kishte planifikuar të provonte një tjetër mision Starlink në më pak se 24 orë, por me sa duket nuk do të ketë një nisje të grupit 20 për momentin. Këto nisje dhe ulje janë bërë rutinë për SpaceX dhe pavarësisht ndodhive të fundit Elon Musk kërkon të rrisë shpejtësinë e nisjeve.
Leja nga FCC për Stalink thotë se kjo e fundit kërkon të paktën 2212 satelitë të jenë të gatshëm nga marsi i vitit pasardhës. Deri më tani mbi 1000 satelitë të vegjël janë në hapësirë, por nuk dihet se sa nga ato janë në gjendje pune. Në qoftë se Starlink arrin të nisë 2 grupe satelitësh në muaj, do të jetë në gjendje ta arrijë qëllimin e saj.
Kurdo që kompania të vendosë për nisjen e satelitëve, do të transmetohen si gjithmonë live rreth 10 minuta para nisjes.
