Snipping Tool është një shërbim mjaft i rëndësishëm në Windows i cili ka ndihmuar prej vitesh përdoruesit të bëjnë një screenshot të pamjes në ekranin e tyre, mirëpo së shpejti ky shërbim do të përmirësohet me një “screen recording mode”.
Microsoft sapo ka prezantuar disa shërbime të reja që do të vijnë së shpejti në Windows 11, duke përfshirë këtu dhe aftësinë për të regjistruar pamjet në ekranin e kompjuterit nëpërmjet Snipping Tool. Fillimisht ky shërbim u aksesua nga personat e regjistruar në programin Windows Insiders.
Ju mund të zgjidhni të regjistroni komplet ekranin e kompjuterit ose një dritare me përmasa që mund t’i caktoni vetë sipas dëshirës, në mënyrë të ngjashme me funksionin e regjistrimit që gjendet në Windows Game Bar.
Në postmin në blog shpjegohet: “Ne po vazhdojmë të zgjerojmë aftësitë e këtij aplikacioni shumë të pëlqyer nga përdoruesit, në mënyrë që ju të regjistroni, ruani dhe të shpërndani të gjitha krijimet nëpërmjet Snipping Tool. Për të përdorur funksionin screen recorder, ju mund të kërkoni dhe të hapni aplikacionin Snipping Tool përmes taskbar dhe të zgjidhni opsionin record. Ekrani juaj do të regjistrohet automatikisht në folderin e caktuar, dhe ju nuk keni pse të shqetësoheni se mos humbisni këto regjistrime.”
Nëse ju keni “ngecur” në Windows 10 pasi kompjuteri juaj nuk mund të update-ohet në versionin e ri, do të duhet të vazhdoni të përdorni regjistrimin nëpërmjet Game Bar.
