Sensorët që gjenden në smartphone-in e një personi mund të përdoren për të përcaktuar nëse një person është nën ndikimin e lëndëve narkotike me një preçizion tepër të lartë, sipas një studimi të ri në Rutgers University.
Studiuesit në Institute for Health, Health Care Policy and Aging Research zbuloi se një algoritëm i kombinuar me grumbullimin e lëvizjeve të personit nga sensorët e një smartphone-i dhe GPS me datën dhe kohën ekzakte ka një saktësi prej 90% në përcaktimin nëse ju jeni nën ndikimin e substancave narkotike.
Ky algoritëm mund të ndihmojë policinë ose profesionistët e shëndetësisë që të parashikojnë me më tepër saktësi nëse një person është intoksikuar nga kanabisi. “Ne mund të jemi në gjendje të zbulojmë se kur një person mund të intoksiokohet nga kanabisi dhe të sjellim të dhëna të shpejta se ku dhe kur ka ndodhur ky intoksikim. Në këtë mënyrë ne mund të reduktojmë impaktin dëmtues të lidhur me kanabisin.” tha bashkë-autori i këtij studimi Tammy Chung.
Studiuesit grumbulluan të dhëna të përditshme nga vullnetarët në Pittsburgh nga mosha 18 deri në 25 të cilët konsumonin kanabis të paktën 2 herë në javë. Duke përdorur raportimet e regjistruara nga smartphone-t në një periudhë 30 ditore, studiuesit zhvilluan një algoritëm që mund të parashikonte se kur një person ishte i intoksikuar me 60% saktësi duke u bazuar vetëm në kohën dhe ditën e regjistruar. Më pas ato arritën të kishin një shkallë suksesi prej 90% kur përdorën dhe sensorët e smartphone-it.
