Një rover në Hënë ka rrota metalike që mund të përkulen në pengesat shkëmbore dhe të rikthehen në formën e mëparshme në territore të shështa. Në Tokë, kirurgët përdorin rrjeta të vogla në formë tubi për të zgjeruar enët e gjakut të zemrës, pa të inpute mekanike ose tela për përçimin e komandave.
Këto aftësi formë-ndryshuese i përfitojmë falë një lloji të çuditshëm metali që quhet nitinol. Ky metal mund të “trajnohet” për të kujtuar forma të caktuara. Nitinoli me kalimin e kohës është bërë gjithnjë e më shumë i aplikueshëm në objekte të ndryshme.
Nitinoli është i përbërë nga nikeli dhe titaniumi dhe përpunohet në nxehtësi. Për të “trajnuar” një kapëse letre prej nitinoli duhet ta nxehim në 500 gradë Celcius dhe t’i japim formën e kapëses së letrës. Pasi ta kemi ftohur në ujë këtë material, ne mund ta shformojmë atë, por në qoftë se ne e rinxehim nitinolin ai do të rikthehet në formën e kapëses së letrës. Në këtë video duken shumë qartë efektet magjike të saj.
Temperatura që nxit transformimin e nitinolit varet nga përqindja e ndryshme e titaniumit dhe nikelit në të. Për shkak të funksionalitetit të lartë të këtij materiali shkencëtarët e NASA po përpiqen të gjejnë një mënyrë për ta integruar atë në valën e dytë të roverave që do të nisen drejt Marsit, për të grumbulluar dhè të pacënuar nga ky planet.
