Gjatë kësaj jave Tech Tent kërkoi nga të ftuarit e saj që të mendonin se si bota do të dukej pas një dekade, se si metaverse-i, teknologjia e energjisë apo AI do të influencojnë mënyrën se si ne jetojmë në të ardhmen.
Metaverse-i
Nëse ne i besojmë fjalëve të Mark Zuckerberg, atëherë në 2031 ne do të jetojmë dhe do të punojmë të gjithë në një metaverse, një seri botësh virtuale të cilat do të bëhen teknologjitë e reja më të rëndësishme që nga arritja e internetit.
Ai është kaq i bindur në këtë projekt, sa që ka marrë vendimin të punësojë në Bashkimin Evropian mbi 10,000 punonjës, të cilët do të kontribuojnë në krijimin e Metaverse.
Emma Ridderstad, kompania e së cilës Warpin po zhvillon një virtual reality software për trajnim, beson në metaverse. “Ju do të jeni në gjendje të bëni shopping, të takoni miqtë tuaj, të punoni nga shtëpia juaj ose kudo që të dëshironi, të shpërndani botë virtuale, muzikë dhe art.” tregoi ajo.
Pra duke përdorur teknologjinë AI, ju mund të gjendeni në ndenjësen tuaj të preferuar në stadium përmes avatar-it tuaj dixhital. Mirëpo Dr Nicola Milard thotë se metaverse duhet të bindë përdoruesit se shpenzimi i kohës në një headset ose pajisje të tjera është i frytshëm.
Ajo shtoi gjithashtu shqetësimin se gjetja e rrugës në këtë “fushë” të re mund të jetë disi e vështirë, sidomos nëse krijohen multiverse të shumëta nga kompani të ndryshme.
Nga ana tjetër, nëse do të duhej të krijonim një multiverse të vetëm, atëherë a do të kishit ju besim të mjaftueshëm tek Mark Zuckerberg, duke ditur impaktin e rrjeteve sociale që nga demokracia e deri në shëndetin mendor të adoleshentëve?
E ardhmja e energjisë
Me ardhjen e COP26, samitit klimatik të Kombeve të Bashkuara, bota do të fokusohet në dekarbonizimin e ekonomisë, dhe kjo gjë do të kërkojë shumë inovacion në sektorin e energjisë. Dr James Dixon thotë se një nga prioritetet do të jetë krijimi i teknologjive më efiçiente që përdoren në shtëpi. “Si do të ofrojmë ngrohjen në ndërtesa? Me shumë mundësi ne do ta arrijmë këtë përmes pompave elektrike të ngrohje, që është një kondicioner që punon në të kundërtën.
Për sa i përket transportit, “rruga më e rëndësishme drejt efiçiencës dhe eleminimit të karbonit është përdorimi në shkallë të gjerë botërore të makinave elektrike”, tha Dixon. Pra, përveç inovacionit, do të duhet që dhe konsumatorët të adoptojnë këto produkte të reja.
E ardhmja e inteligjencës artificiale
Gjatë dekadës së fundit ka patur përmirësime të mëdha në fushën e inteligjencës artificiale, ku kompjuterët po mësojnë si të drejtojnë një automjet, si të përkthejnë një gjuhë në një tjetër në mënyrë të menjëhershme, dhe si të mundin lojëtarët më të mirë në planet në lojën kineze Go.
Azeem Azharr tregon në librin e tij Exponential se si AI dhe teknologjitë e tjera po e transformojnë ekonominë dhe shoqërinë me një shpejtësi të jashtëzakonshme. Ai gjithashtu shtoi se automatizimi nuk është i lidhur me shkatërrimin e vendeve të punës, duke sjellë si shembull atë që ndodhi gjatë pandemisë.
“Sa më tepër AI të kemi, aq më tepër punonjës do të punësohen, qoftë ai një biznes që bën transportimin e mallrave të konsumit, apo një library online. Kompanitë që përdorin AI punësouan më tepër njerëz pasi ato u bënë më kompetitivë.” Ai beson se kjo zgjidhje do të zgjasë të paktën deri në dekadën e ardhshme. Avantazhet më të mëdha të teknologjisë AI do të ndihen në fushën e shëndetësisë.
