Një ekip shkencëtarësh kanë zbuluar 3 asteroidë të afërt me Tokën që ndodhen në pjesën e bredshme të sistemit tonë diellor, nga ku njëri prej të cilëve është më i madhi i zbuluar që nga viti 2014 duke shfaqur kështu një risk potencial për planetin tonë.
Këto asteroidë mbetën të pazbuluar deri më tani pasi ato ndodheshin në një hapësirë të qiellit që nuk mund të shikohet mirë për shkak të ndriçimit të diellit. Asteroidët afër Tokës (NEA) dhe Asteroidët me potencial rrezikshmërie (PHA) janë dy tipe të ndryshme objektesh të cilët mbikëqyren rregullisht nga agjencitë hapësinore. Pavarësisht emrit tepër frikësues, shumica e tyre nuk sjellin asnjë rrezik për jetën në Tokë.
Aktualisht gjenden 1,454 NEA që kanë një probabilitet jo-zero për të goditur Tokën përgjatë 100 viteve në vijim. Listën e plotë mund ta shikoni këtu.
3 asteroidët NEA u zbuluan duke përdorur kameran Dark Energy në Kili. Kjo kamera regjistroi pamje të thella pranë horizontit të Tokës gjatë muzgut, për të shmangur ndriçimin e diellit. Më pas rezultatet e zbuluara u publikuan në The Astronomical Journal.
“Deri më tani ne kemi zbuluar 2 asteroidë të mëdhenj NEA me diametër 1 km, një madhësi të cilën e konsiderojmë ‘vrastare’ për planetin.” tha Scott Sheppard. Këto dy asteroidë kanë një orbitë që kalon përreth Tokës në mënyrë të sigurtë, mirëpo vëmendja shkon drejt një tjetër asteroid me diametër 1.5km të quajtur 2022 AP7 i cili ka një orbitë disi të dyshimtë.
Sigurisht asnjë prej këtyre asteroidëve nuk po vjen në drejtim të Tokës, por rruga e tyre mund të jetë pranë planetit tonë dhe NASA dëshiron të mësojë më tepër rreth tyre.
