Shkencëtarët kanë bërë një zbulim historik në planetin Mars, pasi kanë gjetur sasi të konsiderueshme uji që fshihen brenda Valles Marineris. Ky zbulim u bë i ditur nga një deklaratë për shtyp e publikuar së fundmi nga European Space Agency.
Volumi i ujit të zbuluar fshihet nën sipërfaqjen e Marsit dhe u zbulua nga Trace Gas Orbiter, një mision në fazën e parë i drejtuar nga projekti ESA-Rocosmos. Shenjat e ujit u kapën nga instrumenti Fine Resolution Epithermal Neutron Detector (FREND), i cili është dizenjuar për të gjetur përqëndrimin e hidrogjenit në sipërfaqjen e Planetit të Kuq.
“FREND sapo zbuloi një sipërfaqje me një sasi jashtëzakonisht të madhe me hidrogjen për planetin Mars në kanionet Valles Mariners. Duke supozuar se hidrogjeni që ne shohim është në formën e molekulave të ujit, ne mund të themi se 40% e materialit pranë sipërfaqjes përbëhet nga uji.” tha Igor Mitrofanov, drejtues i Space Search Institute.
Shkencëtarët kanë gjetur dhe më parë shenja të ujit në Mars, por zakonisht ato gjendeshin në polet e këtij planeti në formën e akullit.
“Ky rezervuar është i madh, jo shumë i thellë nën sipërfaqje dhe mund të sigurohet lehtësisht nga eksploruesit në të ardhmen.” tregoi EXoMars në një tweet.
