Shkencëtarët kanë zhvilluar syze VR për minjtë laboratorikë për të simuluar një jetë të lirë – dhe për t’i lënë ata të ndjejnë se si është të sulmohen nga një shpend.
Këto syze VR janë krijuar për t’iu përshtatur në mënyrë të përsosur një miu. Të quajtura Miniature Rodent Stereo Illumination VR (iMRSIV), syzet përbëhet nga dy lente dhe dy ekrane, të ndarë midis të dy syve për t’u mundësuar minjve një pamje 3D. Në mënyrë të njejtë me VR Headset të prodhuara për njerëzit, dhe minjtë nuk mund ta shohin botën e jashtme kur mbajnë këto syze dhe nisin të ndjehen sikur janë diku tjetër.
Por ndryshe nga headset-i që mund të vendosim rreth kokës sonë, syzet VR qëndrojnë vetëm para syve së miut. Studiuesit, nga Universiteti Northwestern në Illinois, thanë se duke simuluar mjedisin natyror të një miu, ata do të arrinin të kuptonin më mirë sjelljen e tyre.
Deri më tani, ishin bërë përpjekje të tilla me ekrane të sheshta që thjesht rrethonin minjtë. Këto ekrane nuk mund të përcjellin thellësinë e imazhit 3D dhe minjtë gjithashtu mund të shohin ende pjesën tjetër të laboratorit.
Drejtuesi i studimit Daniel Dombeck tha se syzet i ndihmojnë ata “të angazhohen me mjedisin në një mënyrë më të natyrshme“. Një avantazh tjetër, thanë studiuesit, është se ata mund të simulojnë kërcënimet ajrore – si zogjtë grabitqarë.
Studiuesit projektuan një disk të errët që zgjerohej në pjesën e sipërme të syzeve – dhe në majë të fushave të shikimit të minjve. Pasi vunë re diskun, minjtë nisën të vraponin më shpejt ose ngrinë, që të dyja janë përgjigje reale të zakonshme ndaj kërcënimeve të tilla.
Bashkautori i studimit John Issa tha se ekipi do të donte gjithashtu të simulonte skenarë ku miu është grabitqari. “Ne mund të shikojmë aktivitetin e trurit ndërsa ai ndjek një mizë, për shembull,” tha ai. “Ai aktivitet përfshin shumë perceptim thellësie dhe vlerësim të distancave. Këto janë gjëra që ne mund të fillojmë t’i regjistrojmë.”
