Me rrezikun për mbylljen e kufijve sërisht për shkak të përhapjes së pandemisë, shkencëtarët po zhvillojnë disa zgjidhje të reja për t’u takuar me familjarët dhe miqtë tuaj në distancë.
Cyberselves, një firmë e krijuar nga University of Sheffield, ka krijuar një aplikacion që ju sjell ju pamjen e robotit përmes një headset VR dhe një controller-i. Teknologjia e “teleprezencës” do të lejojë njerëzit të shikojnë, të dëgjojnë dhe të ndjejnë atë që roboti ndjen përreth trupit të tij, mjafton të ketë një lidhje në internet.
Kjo do të ishte një mënyrë shumë e mirë për njerëzit që të takojnë familjarët e tyre në vende të largëta, të eksplorojnë vende turistike, si dhe të futen në vende me rrezikshmëri të lartë. Aplikacioni i Cyberselves, i quajtur Teleport, mund të përdoret me çdo headset VR që ju mund të keni apo përmes browserit të kompjuterit, dhe ju mund të lidheni me disa robotë të ndryshëm.
“Aplikacioni ynë Teleport e bën kontrollimin e robotëve shumë efektiv dhe të thjeshtë.” tha Daniel Camilleri, bashkë-themelues i Cyberselves. Camilleri e përdori vetë këtë robot për të marrë pjesë në ditëlindjen e gjyshes së tij e cila ishte më tepër se 1,600 km larg.
“Unë isha gjithashtu në një konferencë në Lisbonë, por me këtë headset unë mund të shkoj në Maltë dhe t’i uroj ditëlindjen gjyshes time dhe ta përqafoj.” tregoi Camilleri për The Times.
