Me mbi 25 vite përvojë në fushën mjekësore dhe tani si Drejtor i Ekipit të Shëndetit Digjital në Samsung Electronics, e kaloj shumë kohë duke reflektuar mbi mënyrën sesi teknologjia mund të nxisë vërtet përparimin në shëndetësi, dhe jo të jetë thjesht një risi për hir të risisë, – shprehet Dr. Hon Pak. Për atë , kjo është arsyeja pse ai ndjehet shumë entuziast për Inteligjencën Artificiale (IA), pasi ajo ofron mënyra të reja për të adresuar shumë nga problemet shëndetësore të shoqërisë, duke thjeshtuar kompleksitetin në shkallë të gjerë.
Ai theksoi se në punën e tyre të vazhdueshme për të ripërfytyruar kujdesin shëndetësor, Samsung po shfrytëzon algoritme të avancuara të IA-së dhe ekspertizë të gjerë teknike për të zhvilluar zgjidhje si Energy Score. Kjo veçori mat nivelet e energjisë fizike dhe mendore përmes treguesve të ndryshëm shëndetësorë, duke përfshirë gjumin, shëndetin e zemrës dhe aktivitetin fizik. Vizioni ynë është të përfshijmë tregues më të gjerë si ushqyerja, shëndeti mendor dhe modele të tjera të përdorimit të pajisjeve mobile, për të ofruar një pamje gjithëpërfshirëse të statusit shëndetësor të përdoruesve, të fuqizuar nga IA, – thekson Dr. Hon Pak.
Ajo që është interesante të theksohet janë fjalët e Dr. Hon Pa në lidhje me IA, që ofron një potencial të madh për parandalimin e hershëm të sëmundjeve duke analizuar modelet dhe sjelljet, duke zbuluar anomali dhe madje duke parashikuar probleme të mundshme shëndetësore. Duke kombinuar risitë e vazhdueshme të Samsung në sensorë me lidershipin në IA, ne synojmë të avancojmë aftësitë tona në parandalimin e sëmundjeve, përtej apnesë së gjumit dhe në zgjerim drejt kushteve kardiometabolike. Në veçanti, monitorimi i glukozës në gjak është një fushë me shumë fokus për ne, dhe Samsung po punon për të zhvilluar një algoritëm sensori që parashikon shenjat e hershme të diabetit – së bashku me teknologjinë për matjen jo invazive të glukozës në gjak dhe këshillimin e integruar për ushqyerje të shëndetshme, shtoi Dr. Hon Pak.
Për më tepër, ai tregoi se qëllimi i tyre është të mbështesim menaxhimin proaktiv të shëndetit, duke ulur barrën shëndetësore mbi individët, familjet dhe komunitetet në përgjithësi. “Jam i bindur se IA do të revolucionarizojë industrinë e shëndetit digjital dhe do ta thjeshtojë udhëtimin drejt mirëqenies për të gjithë. Si një lider global në teknologji, Samsung është unikisht i pajisur për ta bërë këtë vizion realitet falë kombinimit të risive teknologjike dhe një ekosistemi në rritje të partnerëve”, – njoftoi Dr. Hon Pak.
