Apple pritet të prezantojë së shpejti serinë 8 të Apple Watch, e cila pritet të vijë me një sensor të ri që do të masë temperaturën tuaj trupore, dhe do t’ju lajmërojë nëse zbulon një rritje të papritur të saj.
Ky lajm bëhet i ditur nga analisti i njohur Mark Gruman. Ai sqaron se në vend që ora smart t’ju tregojë një numër të saktë të temperaturës tuaj trupore, ajo thjesht do të zbulojë një rritje jo normale të temperaturës, dhe do të inkurajoë përdoruesit të përdorin një termometër ose të flasin me një doktor.
Megjithatë Gurman tregon se sensori akoma nuk ka kaluar testimet e para, por nëse ato rezultojnë të suksesshme Apple pritet ta përfshijë këtë sensor në Series 8 dhe në versionin “rugged” për atletët e sporteve ekstreme. Dhe analisti tjetër Ming-Chi Kuo beson se sensori do të debutojë më vonë gjtë këtij viti.
Raportimet e mëparshme tregojnë se sensori i temperaturës së trupi do të mund të përdoret dhe për gjurmimnin e fertilitetit, pasi ndryshimet në temperaturën e trupit mund të ndihmojnë në përcaktimin e kohës se kur është më e përshtatshme për të mbetur shtatëzënë, ose për të parashikuar kohën e periodave.
Nuk pritet që Apple të sjellë ndryshime të tjera të rëndësishme në hardware përveç sensorit të temperaturës së trupit në Apple Watch Series 8.
