Samsung ka prezantuar Odyssey OLED G6, monitorin e parë OLED në botë me refresh rate 500Hz, duke kombinuar performancën e lartë të paneleve IPS/VA me cilësinë vizuale të OLED-it. Me një çmim prej $1,000, ai vjen në madhësi 27 inç me rezolucion QHD (2560 x 1440), raport pamjeje 16:9, kohë përgjigjeje ultra të shpejtë prej 0.03ms dhe mbështetje për AMD FreeSync Premium Pro dhe NVIDIA G-Sync. Përdor një panel QD-OLED me shtresë anti-reflektuese mat, që ofron ngjyra të gjalla dhe të zeza të thella, të përshtatshme për lojtarët që duan të kenë një performancë sa më të mirë.
Megjithatë, G6 ësjtë një produkt i drejtpërdrejtë, që nuk përfshin veçori të tjera si telekomanda apo Gaming Hub, dhe me ndriçim tipik prej 300 nits, por është i certifikuar me VESA DisplayHDR TrueBlack 500. Ekrani gjithashtu është Pantone Validated dhe mbulon 99% të gamës DCI-P3, duke e bërë të përshtatshëm edhe për përpunim fotosh e videosh.
Krahas G6, Samsung prezantoi edhe dy modele të rinj të linjës Odyssey G7. Modeli 37 inç ofron ekran 4K me panel VA të harkuar, ndriçim 350 nits dhe rifreskim 165Hz, për $900. Ndërsa modeli 40 inç, me raport 21:9 dhe rezolucion WUHD (5120 x 2160), ka rifreskim 180Hz dhe kushton $1,200. Të dy këta kanë certifikimin VESA DisplayHDR 600 falë ndriçimit më të lartë. Të tre modelet janë tashmë në shitje.
