Pas raportimeve të ndryshme që po qarkullonin në internet se Rusia kishte në plan të largohej nga partneriteti në International Space Station pas vitit 2024, është konfirmuar nga korporata hapësinore e shtetit Roscosmos se shteti ka si qëllim të qëndrojë në këtë partneritet për të paktën deri në vitin 2028.
Gjatë ditës së djeshme u shkaktuan trazira pasi drejtori i ri i përzgjedhur i Roscosmos, Yuri Borisov, i tha Vladimir Putin se është marrë vendimi për t’u larguar nga ISS pas vitit 2024. Në këtë deklaratë nuk përcaktohej një datë e saktë në vitin 2024, por tregohej se Roscosmos do të largohej për t’u përqëndruar në krijimin e një stacioni të ri hapësinor të quajtur Russian Orbital Service Station (ROSS).
Megjithatë NASA konfirmoi se nuk ka patur asnjë kërkesë zyrtare të dorëzuar nga ana e Roscosmos, dhe Bill Nelson tha se nuk ishte në dijeni të një vendimi të tillë. Megjithatë zyrtarët e Roscomos informuan NASA-n ditën e martë se planifikojnë të qëndrojnë në këtë stacion hapësinor deri në 2028.
NASA dhe Roscosmos janë dy partnerët më të mëdhenj në International Space Station, dhe të dyja palët kanë marrë pjesë në operimin dhe mirëmbajtjen e këtij stacioni. Mirëpo lufta midis Rusisë dhe Ukrainës i “nxehu gjakrat disi” në këtë partneritet.
Ish-drejtuesi Dmitry Rogozin bëri shumë kërcënime se do të largohej nga ISS, të cilat rezultuan thjesht një bllof.
