Nëse ju jeni një punonjës në ndërtim, atëherë së shpejti do të mund të keni një koleg të ri në punë. Boston Dynamics ka publikuar disa video të reja të robotit humanoid Atlas 1.82m të gjatë ndërkohë që jep ndihmën e tij në një vend ndërtimi.
Atlas është në gjendje të vrapojë dhe të hidhet, gjithashtu ai mund të kapë objekte të ndryshme, duke e shndërruar këtë robot në një mik mjaft të mirë për të gjithë punonjësit në ndërtim.
Boston Dynamics tha: “Është koha që Atlas të fitojë disa aftësi të reja dhe të pajiset me duar. Në këtë video, roboti humanoid manipulon botën rreth tij – Atlas ndërvepron me objektet dhe modifikon rrugën që ndjek për të përmbushur qëllimin e tij, duke shtyrë limitet lokomotore, atletike dhe të ndjeshmërisë.”
Personat që panë këtë video mbetën shumë të habitur, madje kanë komentuar: “Sinqerisht është disi e habitshme, por mbresëlënëse, të shikosh një robot që lëviz kaq lehtësisht.”
Duart e reja të robotit kanë vetëm 2 gishta, njëra është e fiksuar ndërkohë që tjetra mund të lëvizë. Dhe pse ka vetëm 2 gishta, ky robot duket se mund të mbajë objektet mjaft mirë, duke lëvizur gjithashtu dhe një çantë me vegla pune.
Prej kohësh krijimi i një roboti që ka aftësitë lëvizëse të humanëve ka qenë një sfidë e vërtetë, mirëpo me sa duket Atlas së shpejti do të arrijë t’i tejkalojë këto aftësi.
