Qualcomm prezanton procesorin e ri flagship për smartphone, Snapdragon 8 Elite

Vetëm pak vite pasi ndryshoi emërtimin e çipave për smartphone, Qualcomm ka vendosur të bëjë një tjetër ndryshim në emërtim.

Snapdragon 8 Elite është SoC më i ri flagship për smartphone nga kompania, dhe me sa duket fjala “Elite” është huazuar nga seria e procesorëve për laptop. Përfshirja e një CPU të re, Oryon do të bëjë të mundur një performancë më të mirë dhe – që të mos harrojmë AI – ofron mbështetje në pajisje për inteligjencën multimodale.

CPU Oryon brenda 8 Elite nuk është huazuar drejtpërdrejt nga çipat e laptopëve; Qualcomm po e quan atë një çip të gjeneratës së dytë. Ai zëvendëson CPU-të Kryo që Qualcomm ka përdorur në çipet e mëparshme celulare dhe përbëhet nga dy bërthama kryesore me gjashtë bërthama të performancës. Ekziston një çip modem-RF X80 5G dhe një GPU Adreno me një arkitekturë të re, me memorie të dedikuar të ndarë për secilën pjesë.

Chris Patrick, drejtues i lartë në Qualcomm tregoi se përmirësimet bjënë të mundur që të kemi një performancë më të ngjashme me desktopin nga një smartphone. Uebsajtet që nuk janë të optimizuara mirë për celularët do të “punojnë shumë shpejt dhe do të hapen lehtësisht“, dhe lojërat e rënda do të funksionojnë pa problem.

Dhe vetëm në rast se keni harruar se viti 2024 është viti i AI në smartphone, 8 Elite vjen me disa përmirësime të NPU gjithashtu. NPU Hexagon e përmirësuar mbështet asistentë multimodalë të AI në pajisje që mund të trajtojnë futjen e tekstit si dhe pamjet vizuale. Ekziston gjithashtu mbështetje për një mjet për fshirjen e objekteve nga videot me AI.

Ne nuk do ta dimë se sa efektiv mund të jetë ky mjet derisa ta testojmë në një smartphone. 8 pajisjet e para Elite nga markat si Asus, Honor, OnePlus, Oppo dhe Xiaomi pritet të lançohen “në javët e ardhshme“.