Më herët gjatë kësaj jave CEO i Qualcomm, Cristiano Amon, tregoi se në fund të vitit 2023 kompania do të ketë gati një produkt që do të rivalizojë proçesorin M1 të Apple.
Gjatë nëntorit të vitit të kaluar, Qualcomm prezantoi planet për të krijuara SoC të gjeneratës së re Arm-based “të cilët do të dizenjohen për të arritur performancën më të lartë në kompjuterat Windows”. Kompania shtoi se këto SoC do të rivalizojnë në mënyrë të drejtëpërdrejtë proçesorët e serisë M të Apple, duke përfshirë këtu dhe modelet më të avancuara si M1, M1 Pro dhe M1 Max.
Gjatë mbledhjes së fundit të fitimeve gjatë kësaj jave, Amon tha se grupi Nuvia është në një stad tepër të avancuar në zhvillimin e këtij proçesori, i cili do të provojë të arrijë një performancë shumë të lartë ndërkohë që është tepër efiçient për sa i përket jetëgjatësisë së baterisë. Produkti përfundimtar pritet të prezantohet për publikun në fundin e vitit 2023, pothuajse 1 vit më vonë se parashikimi i bërë.
Qualcomm bleu Nuvia, një kompani që prodhon proçesorë e themeluar nga dizenjuesit e proçesorëve që më parë kanë punuar në Apple për $1.4 miliardë në janar të 2021. Qëllimi i tyre për momentin është të krijojnë një proçesor që do të mund të konkurojë me serinë M1, mirëpo deri në 2023 Apple mund të ketë prezantuar serinë e re M2.
