Nëse ju preferoni që soundbar-i të jetë sa më pak i dukshëm dhe që të fshihet mirë në ambientin tuaj, produkti më i ri nga Porsche nuk do të jetë asnjëherë zgjedhja juaj e parë.
911 Soundbar 2.0 Pro është për të gjithë personat që dëshirojnë pamjen e veçantë dhe luksin, pasi ky soundbar do të kushtojë $12,000. Dhe nëse ju nuk keni nevojë për shpejtësi dhe idea që një makinë të garoë rreth një piste ju duket e mërzitshme, zëri që vjen jashtë marmitës së një makine sportive mbi $100,000 do t’ju tërheqë shumë.
Për fat të keq pjesa metalike e marmitës nuk është funksionale (sigurisht). Sipër marmitës, e fshehur pas një pjese rrjete, gjenden grupi i speaker-ave të Soundbar 2.0 Pro 300W, të cilat sjellin një eksperiencë 2.1.2 Dolby Atoms Virtual Surround. 2 speaker-at lëshojnë zërin në drejtim të dëgjuesit.
911 Soundbar 2.0 Pro vjen gjithashtu me porta HDMI 4K, Bluetooth në mënyrë që të përdoret si një wireless speaker, Spotify Connect, Apple AirPlay 2 dhe mbështetje për Chromecast, duke u ndërlidhur me soundbars të tjerë Porsche.
Ky produkt do të jetë i limituar në vetëm 500 njësi, dhe mund të porositet nëpërmjet website të Porsche Design.
