Ruani postën elektronike, kujdes si komunikoni në rrjetet sociale dhe çdo veprimtari online, është kjo këshilla e Policisë së Shtetit e cila në një postim në Facebook ka njoftuar ndalimin me sukses të një vjedhjeje online.
POLICIA E SHTETIT Kryente blerje online, i ndërhynë në e-mail duke i ndryshuar faturën dhe i përvetësojnë 89550 euro,…
Posted by Policia e Shtetit on Friday, July 24, 2020
Në muajin qershor një biznesmen shqiptar ka bërë kallëzim në Departamentin e Policisë Kriminale pasi persona të paidentifikuar, nëpërmjet një skeme mashtrimi, kishin devijuar transferta parash në vlerën 89550 euro.
Njësia për Hetimin e Krimeve Kibernetike (po, e kemi një të tillë) përgjatë një pune prej një muaji ka arritur të zbardhë skemën e mashtrimit, të identifikojë autorin i cili është shtetas i huaj dhe jeton jashtë republikës tonë, por mbi të gjitha ka arritur të bllokojë llogarinë.
Sipas Policisë ky person ndërhynte në e-mail dhe ndryshonte faturën e më pas të ardhurat i dërgonte në një llogari po ashtu jashtë shqipërisë, në të cilën rridhnin të ardhura edhe nga vende të tjera të botës.
Aktualisht Policia e Shtetit është ende në proçes hetimor pasi personi përgjegjës duhet të marrë dënimin e duhur, por edhe përmasat e vërteta të flagrancës duhet të zbulohen deri në fund, deri atëherë nuk ngelet gjë tjetër veçse të përgëzojnë forcat e ligjit si dhe të jemi gjithnjë të kujdesshëm ku dhe çfarë klikojmë, pasi ja që nuk ndodhkan vetëm nëpër filma.
