Si gjithmonë Geek Room është i pranishëm në eventet e mëdha teknologjike që organizohen në vende të ndryshme në botë, dhe nga data 14 deri më 18 tetor do të shikojmë nga afër invoacionet më të reja që po prezantohen në Gitex Global 2024 në Dubai.
Çfarë është Gitex Global?
Gitex Global është një ndër eventet më të mëdha të teknologjisë, i cili vjen këtë vit me edicionin e 44-t. Për më shumë se katër dekada, Gitex Global ka qenë porta hyrëse për krijuesit në fushën e teknologjisë, investitorët dhe entuziastët që dëshirojnë të bashkëpunojnë. Këtë vit, ekspozita arrin nivele të reja të larta, duke u shtrirë në dy mega vende – Dubai World Trade Center dhe Dubai Harbour.
Të gjitha fushat si inteligjenca artificiale, siguria kibernetike, lëvizshmëria, teknologjia e qëndrueshme dhe shumë të tjera kanë hapësira të rezervuara në këtë event, i cili ofron më tepër se 44 salla ekspozimi jo vetëm për kompanitë e mëdha teknologjike, por edhe për startups të ndryshëm.
Një prezencë shumë interesante është ajo e kompanisë së parë dhe të vetme shqiptare në Gitex Global, PLUGZZi.
PLUGZZi ofron një zgjidhje shumë të thjeshtë për një nga problemet e përditshme jo vetëm të qytetarëve shqiptar, por të gjithë njerëzve në mbarë botën: shkarkimi i baterisë së pajisjeve tona elekronike. Prandaj, qëllimi i mëtejshëm i kompanisë është të zgjerohet në tregje të reja në mbarë botën.
PLUGZZi erdhi për herë të parë në Shqipëri këtë vit si një shërbim inovativ që ofron mundësinë e karikimit të pajiseve të ndryshme inteligjente, si telefonin, tabletin, kameran apo çdo pajisje tjetër që kërkon karikim përmes portave USB Type B, USB Type C dhe Lightning Cable, në mënyrë që bateria e smartphone-it tuaj të mos ju prishë argëtimin tuaj gjatë ditës apo mbrëmjes në barin tuaj të preferuar.
Avantazhi i PLUGZZi është se ka stacione të shumta të përhapura në çdo cep të Shqipërisë: qendrat tregtare, qendrat e transportit, atraksionet turistike dhe evente të ndryshme për aksesueshmëri sa më të gjerë. Kjo gjë bën të mundur që ju të gjeni lehtësisht një stacion sa më pranë vendndodhjes tuaj për të tërhequr një PLUGZZi, por bën shumë më të thjeshtë dhe kthimin e tij pasi të keni mbaruar punë, pasi ju mund ta ktheni në çdo stacion, nuk ka aspak rëndësi se ku e keni tërhequr atë! E gjitha, duke përdorur aplikacionin.
Në stendën e dedikuar në Gitex Global, PLUGZZi prezantoi për herë të parë produktet që ofrojnë karikim të shpejtë kudo në Shqipëri, dhe nëpërmjet aplikacionit ju mund të zgjidhni sipas dëshirës produktin më të përshtatshëm për ju.
Shërbimi që PLUGZZi ofron është unik në këtë event pasi është kompania e vetme që që do të promovojë shërbimin “Charge on the go & Advertising” nëpërmjet ekraneve të karikimit pjesëmarrëse në këtë panair.
