Gjatë një deklarate për shtyp ditën e sotme Pfizer tregoi se pilula antivirale e tyre është tepër efektive dhe do të parandalojë njerëzit që infektohen me COVID-19 që të sëmuren rëndë. Trajtimi klinik shfaqi një ulje prej 89% të riskut të zhvillimit të sëmundjeve të rënda kur Paxlovid merrej brenda 3 ditëve të para të shfaqjes së simptomave.
Kompania tha se po planifikon që të dorëzojë të dhënat e saja në Food and Drug Administration (FDA) dhe do të presë autorizimin emergjent për një përdorim sa më të shpejtë.
Kjo është pilula e dytë efektive kundër COVID-19. E para u zhvillua nga kompania farmaceutike Merck, e cila reduktonte rrezikun e shfaqjeve të sëmudjeve të rënda me 50%. Mbretëria e Bashkuar e autorizoi përdorimin e kësaj pilule ditën e enjte, ndërkohë që FDA do të diskutojë në lidhje me të në datën 30 nëntor.
Pfizer e testoi pilulën Paxlovid tek 1,219 adultë që rezultuan pozitivë me COVID-19, të cilët kishin simptoma të lehta apo të moderuara dhe që vuanin nga një sëmundje bashkëshoqëruese (diabeti apo sëmundje të tjera të mushkërive). Pjesëmarrësve iu kërkua të zgjidhnin midis ilaceve qetësuesë normale dhe Paxlovid. 3 nga pacientët që morrën Paxlovid u shtruan në spital dhe asnjëri prej tyre nuk vdiq, ndërkohë që nga grupi i pacientëve që u trajtuan me ilaçe qetësuese normale 27 persona u shtruan në spital dhe 7 prej tyre vdiqën.
Këto detaje u zbuluan gjatë deklaratës për shtyp dhe nuk janë publikuar ende në një revistë shkencore.
