Teknologjia dhe inovacioni shkojnë dorë për dore dhe sot, ne mund të shohim përdorimin më të mirë të saj në çdo sektor të mundshëm, duke përfshirë industrinë e ushqimit dhe pijeve.
Një shembull i tillë i kohëve të fundit është inovacioni më i fundit i Pepsit – Smart Can. Kompania e prezantoi këtë produkt në platformën e Festivalit Ndërkombëtar të Krijimtarisë në Cannes Lions për si një eksperiment i ri.
Mauro Porcini, nënkryetari i lartë i PepsiCo dhe shefi i dizajnit, shpjegoi në mediat sociale më shumë rreth eksperimentit futuristik të markës. “Më lejoni t’ju prezantoj me PEPSI SMART CAN tonë të ri, një kanaçe plot kreativitet,” thotë ai, duke shtuar se kjo do të zbulojë mënyra të reja të tregimit të historive dhe qasjes në përvoja të reja, veçanërisht për brezin e ri të njerëzve, të cilët janë “të etur për më shumë“.
Sipas një njoftimi zyrtar, secila prej këtyre kanaçeve inteligjente është e mbështjellur nga një ekran fleksibël 3D me definicion të lartë dhe përmban kartën e tij SIM. Kjo veçori i lejon kompanisë të përshtatë dhe personalizojë përmbajtjen në pajisje sipas preferencës individuale.
“Ne mund të bashkojmë produktin tonë, markën tonë dhe mesazhin tonë në një mënyrë tepër inovative,” thotë Mark Kirkham, SVP dhe CMO i kompanisë.
Sipas raporteve, plani fillestar i PepsiCo është që t’i lëshojë këto kanaçe inteligjente për një grup të vogël dhe të përzgjedhur të konsumatorëve nga e gjithë bota. Marka përfundon duke thënë se detaje të mëtejshme për të njëjtën gjë do të njoftohen në “muajt e ardhshëm“.
Nëse ju jepet një shans, a do të dëshironit të shtonit një nga këto kanaçe inteligjente Pepsi në koleksionin tuaj të pajisjeve?
