Qytetet e mëdha janë tepër të zhurmshëm, dhe ndotja akustike shkaktohet kryesisht nga njerëzit që përdorin mjete me zhurma të mëdha gjatë ditës dhe natës. Parisi kërkon të luftojë këtë problem përmes përdorimit të një radari zhurme të quajur “Medusa”.
Mirëpo çfarë është ekzaktësisht një radar zhurme?
Radarët e zhurmës kanë pamje si një gjarpër dhe janë të përbërë nga 4 mikrofonë të ndryshëm, që aktivizohen nga zhurmat më të mëdha se një nivel i caktuar decibelësh dhe më pas kamerat kapin një fotografi të mjetit të caktuar. Zakonisht mjetet më të zhurmshme janë motoçikletat.
Motoçikletat moderne që shiten në Evropë janë prodhuar sipas standarteve të strikte të vendosura kohët e fundit. Rregullat Euro5 limitojnë motoçikletat me madhësi motori 175cc në prodhimin e zhurmave deri në 80 decibel.
“Ne nuk kemi asgjë kundër makinave Ferrari apo motorrave Harley Davidson, por ndonjëherë pronarët e tyre modifikojnë këto mjete për të bërë zhurma që e tejkalojnë normën e caktuar nga ligjet vendase.” tha Remy Jourdan në një intervistë për Reuters.
Medusa është pjesë e një plani të gjerë për të bërë Parisin një qytet më të qetë dhe më miqësor për qytetarët dhe turistët.
