Organizuesit e Mobile World Congress kanë vendosur të mos lejojnë pjesëmarrjen e disa kompanive ruse në eventin më të madh të teknologjisë në botë, që do të zhvillohet nga data 28 shkurt deri në 3 mars.
GSMA konfirmoi se The Russian Pavilion nuk do të prezantojë produktet e shtetit të saj gjatë këtij viti në eventin në Barcelonë për shkak të sanksioneve ndërkombëtare të vendosura pasi Rusia nisi sulmin drejt Ukrainës.
Edhe pse GSMA kundërshtoi plotësisht pushtimin e Ukrainës përmes një deklarate në sebsite, CEO John Hoffman tregoi për Reuters se nuk ka asnjë plan deri më tani për shtyrjen apo anulimin e kësaj konference. Megjithatë ai shtoi se “kjo është një situatë në zhvillim e sipër” dhe se “do të vazhdojnë ta monitorojnë”.
Hoffman tha se do të jenë disa kompani ruse që nuk do të pranohen në MWC 2022, por nuk deklaroi një listë me emra dhe shtoi se sanksionet do të shtohen.
Në këtë event pritet të marrin pjesë rreth 60,000 persona, dhe do të jetë një ndër konferencat më të mëdha të organizuara me publik që nga koha e fillimit të pandemisë.
Geek Room së bashku me Neptun do të jenë të pranishëm në MWC 2022 për t’ju njohur me teknologjitë më të reja, mjafton të na ndiqni në rrjetet sociale!
