Ndonjëherë ju mund ta keni disi të vështirë të kuptoni nëse një bimë ka shumë apo pak ujë. Shenjat si rrudhosja apo ndryshim i ngjyrës së bimëve nuk fillojnë deri në momentin që shumica e ujit është larguar nga bimët, pra mund të jetë tepër vonë.
Për të shmangur probleme të tilla, shkencëtarët kanë krijuar një “smartwatch për bimët” e cila monitoron nivelet e ujit në gjethe dhe lajmëron personat përgjegjës sa herë që bima ka nevojë për ujë. Sensori që vendoset në gjethet e bimëve transmeton të dhënat në telefon, duke update-uar personat mbi nivelet e ujit të bimës.
Dhe më parë shkencëtarët kishin krijuar disa elektroda metalike me të njejtin qëllim, por problemi kryesor i tyre ishte se nuk qëndronin dot në gjethe, duke ulur kështu saktësinë e tyre.
Ekipi i studiuesve nga Brazilian Nanotechnology National Laborator krijuan 2 lloje elektrodash: një që përmbante nikel dhe tjetra ishte e prerë nga një letër e djegur pjesërisht. Pas testimit të tyre, rezultoi se elektroda që përmbante nikel ishte më e saktë se elektroda tjetër.
Studiuesit thanë se përveç monitorimit të niveleve të ujit në gjethe, kjo elektrodë do të informojë personat përgjegjës dhe mbi ekspozimin ndaj insekteve apo agjentëve toksikë.
