OpenAI po bën të mundur gjenerimin e imazheve drejtpërdrejt në chatbot-in e tij kryesor ChatGPT. Duke përdorur modelin 4o të ChatGPT, tani mund të krijoni imazhe AI brenda chatbot-it, pa patur nevojë të përdorni Dall-E.
Ky shërbim i ri është i disponueshëm tani për përdoruesit falas dhe me pagesë, me plane për ta sjellë atë tek ata që janë në planet e sipërmarrjeve dhe studentëve javën e ardhshme. Ju gjithashtu mund të provoni gjenerimin e imazheve në Sora, një shërbim që u prezantua fillimisht për krijimin e videove me AI të kompanisë.
Deri më tani përdoruesit kanë shfrytëzuar aftësitë e Dall-E për të krijuar gjithçka që ju vjen në mendje. Dall-E është ndër gjeneruesit më të mirë të imazheve me AI, sepse stili i tij unik i bisedës e bën të lehtë krijimin dhe modifikimin e imazheve. Për fat të mirë, ajo aftësi “chat to edit” po vjen edhe në ChatGPT.
Nëse ju jeni një përdoruesi i planit falas të chatbot-it, mund të hasni kufizime duke përdorur modelin 4o për mesazhet, ngarkimet e skedarëve, analizimin e të dhënave si dhe gjenerimin e imazheve (që është e njejtë me limitin në Dall-E për përdoruesit free). E njëjta gjë vlen edhe për përdoruesit e Sora.
Gjenerimi i imazheve në ChatGPT 4o do të fokusohet më shumë në krijimin e imazheve të lidhura me punën, si infografikat dhe diagramet. OpenAI thotë se është përmirësuar përkthimi i tekstit, diçka jashtëzakonisht e nevojshme pasi AI vazhdimisht ngatërron fjalët në imazhe.
Ju gjithashtu mund të ngarkoni imazhet tuaja dhe t’i modifikoni ato me AI. Megjithatë ka disa kufizime në aftësitë e ChatGPT. Ju mund të mos jeni në gjendje të editoni saktësisht zona specifike të një imazhi – që shpesh herë mund të jetë e nevojshme kur AI gjeneron duar me njëmbëdhjetë gishta. Mund të shihni gjithashtu probleme me prerjen dhe vështirësi me vizualizimet e të dhënave dhe tekstin shumëgjuhësh.
Kompania thotë në një postim në blog se po punon për përmirësimin e këtyre problemeve dhe shpreson të prezantojë rregullime që në fillim të javës së ardhshme. Ashtu si Dall-E, imazhet e bëra në ChatGPT nuk kanë asnjë watermark të dukshëm që tregon se ato janë krijuar nga AI. OpenAI tha se imazhet e tij do të kenë metadata C2PA, një standard i industrisë që i lejon njerëzit të dinë se një imazh është bërë nga AI.
Për sa i përket sigurisë, OpenAI thotë se do të ndjekë të njëjtat udhëzime për përmbajtjen si pjesa tjetër e modelit 4o. Kompania tha se ka “rritur kufizimet” rreth lakuriqësisë dhe dhunës grafike.
