OpenAI tashmë do t’i japë opsionin të gjithë përdoruesve që të çaktivizojnë ruajtjen e historisë së komunikimit me ChatGPT. Siç shpjegohet dhe në postimin në blog, OpenAI tregon se me çaktivizimin e këtij shërbimi bisedat tuaja nuk do të ruhen dhe as do të përdoren për të trajnuar modelet AI të kompanisë.
Megjithatë kompania do të ruajë bisedat e reja në ChatGPT për 30 ditë “për të monitoruar abuzimet” para se t’i fshijë ato përgjithmonë. Gjithashtu ky shërbim do të hyjë në fuqi vetëm për bisedat që ju kryeni pasi të keni çaktivizuar shërbimin: bisedat e mëparshme nuk do të preken aspak dhe ChatGPT do të vazhdojë t’i përdorë për të trajnuar modelet AI.
Ju mund të rregulloni këto opsione në ChatGPT duke u regjistruar në adresën tuaj dhe duke klikuar në 3 pikat që gjenden poshtë majtas. Më pas shkoni në Settings > Show > dhe çaktivizoni Chat History & Training. Ju mund të zgjidhni dhe Export Data për të shkarkuar një kopje të dokumenteve që përmbajnë informacionet tuaja të grumbulluara nga ChatGPT.
Për të gjithë personat që duan ta aktivizojnë sërisht shërbimin e ruajtjes së bisedave, mjafton të klikoni mbi butonin Enable chat history që gjendet në ngjyrën jeshile. Të gjithë të abonuarit në planin ChatGPT Business do të mund të ruajnë bisedat në platformë pa u shqetësuar aspak mbi shpërndarjen e tyre nga ana e OpenAI.
